प्रख्यात क्रीडा पत्रकार व लेखक बोरिया मजुमदार यांनी कार्यक्रमाच्या सूत्रसंचालनाची धुरा सांभाळली. या कार्यक्रमाला टीममधील गौतम गंभीर, ग्लेन मॅक्सवेल, पृथ्वी शॉ, रिषभ पंत, श्रेयस अय्यर, संदीप लमिछाने हे प्रमुख खेळाडू उपस्थित होते. खेळाडूंनी क्रिकेटजगतातील त्यांच्या प्रवासाबाबत चर्चा केली आणि भव्य यश मिळालेले असताना देखील विनम्र राहण्याचे महत्त्व त्यांनी सांगितले.

याप्रसंगी ‘डीटीडीसी’चे कार्यकारी संचालक अभिषेक चक्रवर्ती म्हणाले, ‘कस्टमर इव्हेंट सत्राने आमच्या ग्राहकांना त्यांच्या आवडत्या क्रिकेटरसोबत चर्चा करण्याची संधी दिली. आमचे ब्रॅंड अॅम्बेसेडर सौरव गांगुली यांच्या उपस्थितीने कार्यक्रमाची शोभा वाढली. कार्यक्रमामध्ये अशा दिग्गज व्यक्तींची उपस्थिती पाहून ग्राहक खूपच आनंदित झाले. आपल्या व्यस्त वेळापत्रकातून वेळात वेळ काढून कार्यक्रमासाठी उपस्थित राहिल्याबद्दल ‘डीटीडीसी’ची संपूर्ण टीम डीडी संघाचे खेळाडू व सौरव गांगुलीचे आभार मानते. आम्ही संघाला त्यांच्या आगामी सामन्यांसाठी मन:पूर्वक शुभेच्छा देतो आणि आशा करतो की ते आपल्या क्षमतेनुसार सर्वोत्तम खेळ सादर करतील.’